影片
更多
2020-06-12
2499 瀏覽
夜晚9點同朋友行完驚安，佢條日本癮起，想食日本野，見商場有間放題收11點，平日夜晚9點3後入座HK$258加一再九折，價錢算正常，試試佢。餐廳好大好開揚，有大海景，不過唔係無敵，因為夜晚漆黑一片，日頭我估唔錯嘅。落單要用電話掃QR Code，落完單之後，出去拎野飲，順便睇下有咩前菜拎，飲品除左罐裝汽水同樽裝茶外，仲有啤酒、清酒，食物有湯、炸雞塊、茶碗蒸、沙律、甜品等等。刺身望落色水唔差，食落都唔腥冇雪味，蝦同貝類都算甜，但魚類就爭少少鮮味。叫左幾款火焰壽司，火焰壽司燒完之後增添平庸食材嘅香氣，海膽就細粒左啲，食落較淡。特色壽司望落幾靚，但冇切走蝦頭食落有啲唔方便，蝦配青瓜幾爽甜，少少黑松露醬提升左帆立貝。食完刺身就到熱食，牛肉鍋湯底甜甜地，牛肉牛味唔濃，但肥瘦適中唔韌。牛柳粒同帶子炒得夠熱，但韌左少少。清酒煮蜆幾香，蜆都幾多但細隻左啲同埋有沙。辣酒黃金螺香而不辣。跟住到炸物，芝麻雞翼好香脆，吉列炸蠔層皮唔會過厚，炸牛乳外脆內軟，幾欣賞天婦羅嘅脆皮，有啲似啤酒炸魚，好食唔油膩。串燒方面，特別鍾意蝦同牛舌，唔會燒到乾晒，蝦夠實淨鮮甜，牛舌表面微焦夠晒香。最後每人有一杯Haagen-Dazs
餐廳好大好開揚，有大海景，不過唔係無敵，因為夜晚漆黑一片，日頭我估唔錯嘅。
落單要用電話掃QR Code，落完單之後，出去拎野飲，順便睇下有咩前菜拎，飲品除左罐裝汽水同樽裝茶外，仲有啤酒、清酒，食物有湯、炸雞塊、茶碗蒸、沙律、甜品等等。
刺身望落色水唔差，食落都唔腥冇雪味，蝦同貝類都算甜，但魚類就爭少少鮮味。
叫左幾款火焰壽司，火焰壽司燒完之後增添平庸食材嘅香氣，海膽就細粒左啲，食落較淡。
特色壽司望落幾靚，但冇切走蝦頭食落有啲唔方便，蝦配青瓜幾爽甜，少少黑松露醬提升左帆立貝。
食完刺身就到熱食，牛肉鍋湯底甜甜地，牛肉牛味唔濃，但肥瘦適中唔韌。牛柳粒同帶子炒得夠熱，但韌左少少。清酒煮蜆幾香，蜆都幾多但細隻左啲同埋有沙。辣酒黃金螺香而不辣。
跟住到炸物，芝麻雞翼好香脆，吉列炸蠔層皮唔會過厚，炸牛乳外脆內軟，幾欣賞天婦羅嘅脆皮，有啲似啤酒炸魚，好食唔油膩。
串燒方面，特別鍾意蝦同牛舌，唔會燒到乾晒，蝦夠實淨鮮甜，牛舌表面微焦夠晒香。
最後每人有一杯Haagen-Dazs，不過要填意見問卷先有得食，有啲煩。咁岩有夏天新出嘅哈密瓜味，有粒粒果肉，甜味夠自然。
總括而言，夠闊落坐得舒服，食物選擇較少，刺身質素普通，炸物同串燒較出色。
📍品川日本料理
荃灣大河道100號海之戀商場3樓3013號舖
張貼
