田記魚蛋牛腩專門店 (碧街)

營業中

休息中

尋日喺旺角返工，下午茶時間就同同事去油麻地一帶搵食，朋友想食牛腩粉麵，所以我就帶咗佢去田記開餐。下午茶時間餐廳唔算多人，所以唔洗等位就已經可以入座，自己之前都有食過田記，牛腩品質唔錯，所以今次就叫咗金牌牛腩河粉 。🍜 金牌牛腩河粉 ($46) : 牛腩同粉麵份量多，牛腩入口煙韌軟糯，肉味香濃，河粉口感順滑有彈性，同事叫咗崩沙腩撈粗都讚不絕口。另外跟餐加配冷熱飲都只需 $8 蚊，所以就叫咗凍奶茶，奶茶茶底夠香濃，而且冇苦澀味。