品穀

營業中

休息中

放假天同老公出街搵嘢食，行吓行吓去到佐敦，經過間舖頭見到好長嘅人龍排緊隊，，人嘅心態就當然係行去八卦下啦。就係咁發現左間正嘢啲人排晒長龍喺度買麵包🥯，為嘅就係佢嘅牛角包🥐，咁咁多人買就唔好執輸，梗係要買番隻黎試吓啦。就係咁，一時嘅八卦，我哋就等咗呢個牛角包40分鐘，係！你冇睇錯真係足足40分鐘。嗰刻真係心諗，有冇咁巴閉吖個包要等咁耐☝🏻既然個包要等咁耐梗係要試吓鋪頭其他嘅產品啦，我哋就買咗呢個三重朱古力包，外表平平無奇，但食落係好好味，三重朱古力就係朱古力麵包，朱古力粒，然後再加個軟心朱古力餡，我唔係朱古力fans都覺得好好食，值得回購。麵包鬆軟朱古力味香濃，絕對唔係空氣包過咗40分鐘之後主角就嚟啦，睇吓個樣。又真係值得等嘅，雖然真係有啲耐。抹茶牛角包等咁耐嘅原因係因為個包即叫即整，可能因為我買嗰陣多人做唔切啦🤭，牛角包咬落口係好鬆脆，會食到成個身都係碎，咬多兩啖就會食到抹茶餡，凍凍地嘅抹茶餡配一個暖暖地嘅牛角包一啖咬落去有幾種嘅口感，另外，牛角包插着一支抹茶醬，店舖都建議大家食之前可以唧的醬係牛角包上面食。