田記魚蛋牛腩專門店 (碧街)

營業中

休息中

最近有啲想食牛腩粉突然間諗起太子嘅田記，好在依家油麻地都有分店唔使行咁遠，餐廳位置超方便喺正油麻地 A1 出口。崩沙牛腩河粉 ($62) : 識食嘅朋友叫咗崩沙腩，朋友請咗我食一件，崩沙腩肥瘦適中，牛味濃郁之餘肉質軟嫩，而且蘿蔔非常鮮甜，估唔到都幾正。牛三寶河粉 ($58) : 自己就叫咗牛三寶，貪佢乜嘢都有，牛腩、牛肚同牛筋都非常大件，而且洗得好乾淨，沒有半點異味，三個部位應爽口嘅爽口，應軟腍嘅軟腍，真心覺得唔錯，而且份量都幾大碗。冷熱飲跟餐都係 $8 蚊，奶茶夠茶味之餘唔嚡口。