龍門冰室 (已結業)

知道呢間冰室開左一段時間，但一直都無時間去，又見佢經常排長龍，所以一直都未有機會試下，今日放假路過又剛好見無人等位，唔洗諗，即試。坐低望下餐牌，選擇唔多，叫左個沙爹牛肉麵餐飲熱奶茶，沙爹牛肉新鮮，無雪味，沙爹味好香，唔似一般平價貨，再問問靚女老闆娘，原來係自家秘方，唔怪之得帶點香辣之餘又唔會太搶牛肉鮮味，最後不得不贊下個熱奶茶，佢地能夠做齊香濃滑熱，比起好多以港式奶茶自居既餐廳有過之而無不及。廿零蚊一個餐而又用心去做既餐廳係香港已經買小見小，希望呢間港式小店能夠一真保持水準。