影片
更多
2018-04-05
1630 瀏覽
今日終於的起心肝，做下運動，最開心就係有朋友陪，有啲咩都係朋友一齊做係開心啲！除咗做運動，就係食飯……大家好齊心咁樣，做完運動，就熱切咁樣搵嘢食補充番頭先流失的體力。之前來過呢間餐廳，印象中啲嘢食唔錯，而且裏面仲有好多得意嘅公仔，可以影相呃like , 既然經過，不妨再試！餐廳細細，但係嘢食都幾多選擇喎！本Menu都幾好，圖文並茂，睇見啲圖片已經令人食指大動。單單係意粉方面都有好多款可以選擇。左揀右揀，都係食個carbonara ，有兩款卡邦尼意粉可以選擇，一款叫做溫泉蛋卡邦尼扁意粉，另外一款就叫做夢幻溫泉蛋卡邦尼扁意粉既然價錢差得不遠，我當然會係選擇夢幻嘅版本！夢幻溫泉蛋卡邦尼扁意粉 $88同一向嘅卡邦尼意粉，顏色完全反傳統！顏色好鮮艷，好打卡able, 但係食落依然好正！上面嘅溫泉蛋生熟控制得好好，令到意粉更加滑溜溜。芝士海鮮蟹蓋吐司 $88叫咗個蟹蓋，估唔到上菜之後發現實物仲正過相片，開個上面啲料超豐富，濃郁嘅芝士，有唔少海鮮匿埋喺蟹蓋裏面，配埋脆脆嘅多士，超正！水牛城肉碎芝士薄餅 $108又唔可以完全食意粉嘅，都叫咗個Pizza來食，都幾多芝士，簡直係重量級，啲肉碎加埋啲芝士多
大家好齊心咁樣，做完運動，就熱切咁樣搵嘢食補充番頭先流失的體力。
之前來過呢間餐廳，印象中啲嘢食唔錯，而且裏面仲有好多得意嘅公仔，可以影相呃like , 既然經過，不妨再試！
餐廳細細，但係嘢食都幾多選擇喎！本Menu都幾好，圖文並茂，睇見啲圖片已經令人食指大動。單單係意粉方面都有好多款可以選擇。
左揀右揀，都係食個carbonara ，有兩款卡邦尼意粉可以選擇，一款叫做溫泉蛋卡邦尼扁意粉，另外一款就叫做夢幻溫泉蛋卡邦尼扁意粉既然價錢差得不遠，我當然會係選擇夢幻嘅版本！
夢幻溫泉蛋卡邦尼扁意粉 $88
同一向嘅卡邦尼意粉，顏色完全反傳統！顏色好鮮艷，好打卡able, 但係食落依然好正！上面嘅溫泉蛋生熟控制得好好，令到意粉更加滑溜溜。
芝士海鮮蟹蓋吐司 $88
叫咗個蟹蓋，估唔到上菜之後發現實物仲正過相片，開個上面啲料超豐富，濃郁嘅芝士，有唔少海鮮匿埋喺蟹蓋裏面，配埋脆脆嘅多士，超正！
水牛城肉碎芝士薄餅 $108
又唔可以完全食意粉嘅，都叫咗個Pizza來食，都幾多芝士，簡直係重量級，啲肉碎加埋啲芝士多度好似想跌出黎咁，味道比想像中辣，幾開胃。而且嗰邊都幾脆！
呢間餐廳就係各方面都做得好好，首先食物上菜嘅速度都幾快，食物嘅款式都好多，任君選擇，而且菜式幾有創意，有新鮮感，食物質素真係冇得彈，叫咁多款餸，咁多款都好食！
佢細細間，但係食物做得咁出色，唔係靠裝修、扣公仔作招徠，價錢都好公道。
張貼
