泰妹餐廳 (The Wave) (已結業)

復活節假期的晚上，同朋友3人行想食泰國野，openrice search見到呢間泰妹評分都幾高，一於去check it out！強烈建議大家想食ge話記得早d book位，餐廳座位唔算少，但問過職員話廚房只有一個爐頭，所以佢地預ge食材有限，而且出餐時間也是考人耐性，如果想食好野，個人認為都值得等ge。海南雞飯最快有得食ge就係海南雞飯，飯入口有陣陣椰香味，雞肉肉質好嫩滑，就算連雞皮食都唔覺油膩，份量同質素以$58來講絕對係性價比高！蛋花黃咖哩大頭蝦火山包足足等左一個鐘先有，真係好大個包！最吸睛係大頭蝦，2隻已開邊，應該係微炸香過。靈魂在於個黃咖哩醬，香濃而不膩！兼且份量都多，唔怕唔夠點，最後我地3個人都太飽食唔哂。泰式炒雜菜完全冇泰式ge味道，只係一碟好普通ge蒜蓉炒雜菜，$68好唔抵食，仲貴過一碟海南雞飯。