影片
更多
2022-07-23
951 瀏覽
海鮮蒸鍋呢🍲第一次係香港食海鮮蒸鍋💛仲要係Happy Friday🥳我稱呢餐為海鮮Omakase 完全唔知下一個海鮮係咩😂講落你想食咩 唔食咩就得🤟🏻記得要預約呀 一開始以為食海鮮蒸鍋會好貴 食完大家都飽到上心口 估可能要位位$600呢 最後埋單每人唔洗$500🙌🏻性價比合理🤓有12款海鮮同肉😋每樣份量少少 少食多滋味☺️但都飽到傻！仲有專人服侍你 幫每個人夾到碟上面🙌🏻所有海鮮都會有人幫你蒸同起 下面會稱呢個人為專人🤣個人喜愛三甲係雞🐥蟹🦀海鮮粥💯以下係順住食既次序去講😚啲相唔太靚 因為冇特登排靚啲先影 一起蓋 勁多蒸氣 又趕住食🤣🌈蜆🌈蝦🦐蜆同蝦我唔多講啦 都係好鮮甜 做一開頭既海鮮 係唔錯 開左個靚頭 之後既先係重頭戲🤓唯一提大家嘅就係 啲海鮮真係啱啱蒸出嚟 小心熱😂我自己鍾意食熱辣辣嘅 所以我會好快手就搣殼 小心手啦😆🌈墨魚滑呢個會係我五甲之選 腍得嚟又彈彈地 我好鍾意墨魚滑入邊有馬蹄 食落去個口感更豐富 索索聲 不過友人就不太好 個人口味嚟嘅🤣🌈鮑魚專人放落去既時候 已經幫大家一開二 起埋殼落去蒸 去到呢碟嘅時候已經可以直接放入口 鮑魚鮮而不靭 🌈蟶子Aiiiii我果隻好大 好
海鮮蒸鍋呢🍲第一次係香港食海鮮蒸鍋💛仲要係Happy Friday🥳我稱呢餐為海鮮Omakase 完全唔知下一個海鮮係咩😂講落你想食咩 唔食咩就得🤟🏻記得要預約呀 一開始以為食海鮮蒸鍋會好貴 食完大家都飽到上心口 估可能要位位$600呢 最後埋單每人唔洗$500🙌🏻性價比合理🤓有12款海鮮同肉😋每樣份量少少 少食多滋味☺️但都飽到傻！仲有專人服侍你 幫每個人夾到碟上面🙌🏻所有海鮮都會有人幫你蒸同起 下面會稱呢個人為專人🤣
個人喜愛三甲係雞🐥蟹🦀海鮮粥💯以下係順住食既次序去講😚啲相唔太靚 因為冇特登排靚啲先影 一起蓋 勁多蒸氣 又趕住食🤣
🌈蜆
🌈蝦🦐
蜆同蝦我唔多講啦 都係好鮮甜 做一開頭既海鮮 係唔錯 開左個靚頭 之後既先係重頭戲🤓唯一提大家嘅就係 啲海鮮真係啱啱蒸出嚟 小心熱😂我自己鍾意食熱辣辣嘅 所以我會好快手就搣殼 小心手啦😆
🌈墨魚滑
呢個會係我五甲之選 腍得嚟又彈彈地 我好鍾意墨魚滑入邊有馬蹄 食落去個口感更豐富 索索聲 不過友人就不太好 個人口味嚟嘅🤣
🌈鮑魚
專人放落去既時候 已經幫大家一開二 起埋殼落去蒸 去到呢碟嘅時候已經可以直接放入口 鮑魚鮮而不靭
🌈蟶子
Aiiiii我果隻好大 好鮮甜 夾上碟時 專人會幫你將蟶子蒸出嚟既汁倒落匙羹度 先飲啖汁 再食蟶子~好鮮好甜💛但好唔好彩我隻蟶子有沙 友人既全部都冇😢但我都覺得係不錯不錯👍🏻
🌈瀨尿蝦
呢幕有少少殘忍 望住極新鮮仲生猛彈動梗既瀨尿蝦蒸熟🙈好彩轉個頭啲蒸氣會遮晒🌫當蒸熟之後 專人會夾起拎入廚房幫大家除殼 再拎返出嚟俾大家慢慢品嘗 唔洗好艱辛咁拆殼又唔洗整污糟手😙好體貼 好大隻賴尿蝦 鮮味十足
🌈青口
呢隻青口要特別講一講 本身覺得青口應該冇咩特別 同平時嘅差唔多 但係呢個青口好大 而且食嘅時候 我食到有啲生蠔既感覺🦪 omg我之前係未試過有呢種味道🤣
🌈花甲
上面蜆我未食夠㗎 好彩仲有花甲😋都係每樣幾隻 份量唔多 但每隻都鮮甜
🌈蟹🦀好出色 好出色 好出色 有放落蒸鍋嗰一刻 見到啲蟹膏流晒出嚟 滿滿的 已經舔舔脷😌好期待食 我地全部人都一邊食 一邊講蟹膏真係好好食 仲要好多 出色呀！真係好新鮮好值💯
🌈牛
其實食完蟹已經好飽 飽住食呢個牛都依然好欣賞個牛！拿 海鮮就唔洗點任何醬料或者豉油 第一舊牛可以就咁食 之後嘅牛我都有點醬油 味道更加好食
🌈雞+蔬菜
未食呢個雞之前 蟹係我嘅第一位 食完個雞之後 雞變咗我全日最愛之選😍係滑滑雞！好耐冇食過咁滑既雞！係連雞皮連雞胸都滑埋一份🤤醃得啱啱好 真係好好味 可能我個人鍾意食雞肉啦🤫蔬菜方面 有冬菇 蟲草花 粟米 木耳 菜 粟米好甜🌽
🌈海鮮粥
以上所有海鮮 肉 菜的日月精華都係晒個粥入面😍未開始蒸前 望到粥底有蟹 豬肉 蝦米 已經好期望最後煮到出嚟會點🤩冇失望！充滿咸咸地既海水味同海鮮鮮味❤️中意既可能落少少胡椒
呀！唔記得講 地方係有少少遠 但值得去～仲有我幾欣賞舖頭有菊花杞子紅棗茶☺️
張貼
