尚鮮海鮮料理 (已結業)

和朋友相約晚餐，大家都情迷打邊爐，之前聽朋友話尚鮮都唔錯，所以今日就入嚟試下，由於朋友有事，所以今日8:30先開餐，但一見餐牌，9:30後入座有特價，不過，算啦⋯⋯實在太肚餓，所以就入座啦！一開頭先來個安格斯牛試下，肉質又唔錯，牛味都幾重，不過，份量就稍為少咗一些，所以叫多碟牛頸脊，來到又是另一驚喜，睇落都已經好吸引，食落比安格斯好味好多！因為朋友都喜歡海鮮，見佢有二人拼盤，都只是228，又有蝦又有蠔咁⋯⋯上桌時見到都幾新鮮，而當中的大花甲更是意想不到的鮮味，於是我們忍唔住就加多一碟，一碟八粒，都係一樣的新鮮好味！另外，四色丸都相對無咁特別，都是和其他火鍋店一樣的，都算彈牙的，但唔會有衝動要加一份！此外，第一次食羽衣甘藍，聽就聽得多，食就第一次，質感都幾得意的，我覺得煮耐些好食些！飲品都唔錯，青檸梳打蜜，酸酸地又幾開胃，不錯！整體都相當滿意！