榮式燒雞扒 (已結業)

同同事去左北角榮式燒雞扒lunch..好快就有位 唔駛排隊👍🏾食左雞藕天成，連凍奶茶50蚊，抵食👍🏾但雙併一定要跟飯，如果跟烏冬要60蚊，好可惜。個蓮藕餅好好味，好鬆跪，應該有馬蹄粒，好爽口，而加食得出係岩岩炸好，好新鮮，熱啦啦，大推👍🏾雞扒好鬆軟，唔使用刀都可以好方便咁把它分成一塊塊，可以feel到真係好淋👍🏾食唔到冰鮮味，見到廚房係度烤雞扒，認真製作。不過個人就覺得黑淑味太重，個人唔係好鐘意，比較鐘意食蓮藕餅。飯既份量都大，食完係飽肚的。佢仲有好多蔥汁同埋鼓油，唔使驚無味同埋乾。同事既烏冬就細份好多，好似飯抵食d.但每人埋單都唔使50蚊，真係好抵食👍🏾同埋聽同事講，北角總店係最高質的。