君戶鍋貼大王 (已搬遷) 新店位置

環境裝修雖然平凡，但嘢食都真係唔錯架。平時黎開就一定會食鍋貼，因為真係皮薄，汁多，有幾次真係噴汁岀黎，無誇張！同枱嘅友人懗親。十幾蚊就有五隻煎餃，如果唔係食兩碟都真係唔夠飽，要另加其他嘢食先夠。今次就試左佢嘅菜飯，又真係幾好食，所以決定要分享一下。煎餃，皮薄，肉厚，汁多。不得不叫。有時點辣醬更好食。通常要食兩碟先夠。依到嘅上海麵都好食，不過今次食嘅係酸辣湯麵。酸辣湯質感似足碗仔翅，啲料都似，不過就多左酸味同辣味，但辣味唔算太勁。如果想食下碗仔翅又想食飽飽，可以試下。佢就係我想寫依篇食評嘅原因啦。炸豬扒菜飯，大概40至50嘅價錢。豬扒炸得岩岩好，唔厚粉，肉質唔"鞋"，仲保留左肉汁。表皮略脆，入面軟身。真係覺得好抵食。而菜飯有菜香味，啲菜仲保有咬口同汁，唔會乾爭爭，同埋炸豬扒嘅口感好夾。好好食。我諗我下次都會再叫的！不過次次佢嘅落單系統就有小小亂。扣曬分。