Girlboss by Master Kama (已結業)

同朋友打完哥爾夫球，想E下個肚，行過屯門市廣塲見到龍蝦包買一送一即刻被吸引住。龍蝦肉非常新鮮，調味得啱啱好，好香牛油味，麵包非常鬆軟，又熱辣辣，薯條係任食所以好抵食，好飽肚。店員見到我食得7788，有黎多一兜過嚟，今次加咗少少黑松露，令到口感多一個層次。低溫慢煮法國黃油春雞（半隻），肉桂燉蘋果：無論由內到外都非常鬆軟，皮脆夠薄，所有油份都鎖住，雞味夠重。肉桂嘅香味配上蘋果，令到成個雞感覺唔會太油膩，好清新。