Coffee Talks (已結業)

Coffee talks嘅環境好舒服，擺設都好有特色，岩哂打卡。我哋叫咗一個坊間比較少見嘅龍蝦湯海鮮意大利飯，龍蝦湯味好突出，配上新鮮海鮮，非常美味。小編最鍾意食薯條，去到邊間Cafe都會叫薯條，黎到呢度叫左黑松露醬薯條，薯條熱辣辣，個醬都好香黑松露味，簡直一流。至於飲品我哋叫左香芋latte同焦糖latte，兩杯飲品好有驚喜！香芋latte香芋好突出，味道唔算太甜，口味適中。至於焦糖latte，令人一試難忘，焦糖味道唔算太甜，咖啡嘅味道同焦糖好match，令人回味無窮！甜品方面，我哋叫左黑糖伯爵茶窩夫。窩夫口感一般，伯爵茶味道亦唔濃郁，整體感覺普通，而且鮮果較酸，下次可以試下其他甜品例如心太軟。