芋圓圓

營業中

休息中

每次係白楊街附近食完晚餐都想食埋芋圓不過一係太多人 一係太飽今次終於試到了😋😋!店舖非常專一 幾乎款款甜品都有芋圓睇嚟都對自家出品非常有信心今次試嘅係鮮奶椰汁桃膠芋圓先講主角芋圓 人手製果然非常煙韌而且真係會食到芋頭同蕃薯味挑剔一點就係佢外型似粒方糖多過芋圓😂😂糖水底反而更令人驚喜除咗桃膠仲有紅棗同圓肉 足料！而且仲令到鮮奶味道更豐富添順帶一提 友人叫咗椰汁西米露雖然我無試食 但一上枱就聞到好香芋頭味覺得舖頭好有誠意 糖水真係煲出嚟而唔係好似坊間咁 加啲椰汁加啲糖漿溝水就話係糖水難怪平時咁多人等👍🏽👍🏽