發記甜品 (已結業)

而家天氣咁熱，當然要吃甜品消暑呢到既甜品唔係得個樣，睇得又食得香蕉窩夫配朱古力醬（$65）揀左士多啤梨味雪糕，雪糕普普通通，但窩夫有驚喜，食落好鬆軟，食得出岩岩整起，整體黎講都唔錯既！芒果益力多綿花冰（$65）原來益力多加芒果又幾正，雖然係冰，但2隻味都好濃，分開食溝埋食都好味。另外仲有附加小丸子同芒果粒，芒果好甜，小丸子好煙韌，唔需要落隔離個淡奶都已經好好味，推介！不過侍應服務麻麻地，本來開頭諗住叫綠茶綿花冰，但佢話無，所以先揀左益力多芒果，但轉頭聽到人地嗌又有好在益力多芒果都好味，下次去再試下綠茶先