駿景軒 (已搬遷) 新店位置

都已經唔係第一次嚟到呢間米之蓮餐廳。雖然地點就唔算好方便，但由於佢嘅四川菜太出色，所以點樣都會嚟食嘅。今次就同兩個朋友一齊食，食得辣嘅朋友即刻就叫咗胡椒蝦同水煮魚。另一位朋友做完手術唔食得辣野同海鮮，就揀咗杏汁白肺湯，蜜汁子薑雞煲，冰梅骨，蒜蓉炒芥蘭。上次來都有叫嘅胡椒蝦，今次水準一樣，全窩滿是原粒白胡椒，一上枱已經芳香撲鼻！蝦唔係好大隻，所以係超級入味。呢間嘅胡椒蝦係我暫時食過最好食嘅！今次一鍋有七隻，兩個人食剛剛好！水煮魚亦都非常出色！麻椒花椒夠多夠香，魚身夠肥夠滑，甘香豐胦，四川辣椒夠刺激，好過癮！加埋薯粉芽菜一齊食，口感豐富。佢呢個時候就飲杏汁白肺湯舒緩下喉嚨先。飲得出好足料，每一啖都有杏仁香味，豬肺煮得軟淋，好飲。子薑雞雞肉冇雪味，煮得幾嫩。冰梅骨酸酸甜甜好開胃，出奇地又煮得好淋，骨肉分離！正炒芥蘭蒜蓉落得豪爽，菜炒得青綠爽脆！真係相當出色嘅中菜館！已經同朋友約好九月再嚟。