文記車仔麵 (福榮街)

營業中

休息中

真係好鍾意食粉麵，無論係麻辣米線、潮洲粉麵定係意粉🍝，都係我喜愛。當然少得香港特色車仔麵啦！！！🍜記得麻辣米線未興起之前，車仔麵係主流，細個已經好鍾意食。後來米線興起，無可否認真係少左食車仔麵。但係文記車仔麵，只要我難得有機會係附近食晏，都會爭取機會食佢！文記好受歡迎，日日都排長龍，真係有佢優勝之處架。湯底好香好夠味，餸款選擇多，而且係煮得好入味。本人鍾意食水餃，所以今次都有叫。水餃有三隻，夠晒大隻👍🏼。就連雞蛋都煮得好入味。😋河粉亦都好滑。另外枱上面都有好多調味料俾你按自己喜好添加。好有誠意！值得欣賞！