Barg (已結業)

白色情人節食好啲就揀咗銅鑼灣呢間西餐廳撐枱腳，我地都係第一次到訪。食物質素水準以上，特別喜歡佢地嘅Pepperoni Pizza，食到飽飽再去附近行街就perfect啦！店員先奉上餐包，熱烘過嘅餐包幾香脆，再配上香草牛油，都幾特別！法式焗田螺一粒粒圓滾滾嘅薯蓉映入眼簾，好可愛呢！內裡藏有鮮味田螺，本身薯蓉無乜調味，所以田螺鮮味更突出，薯蓉綿滑質感都好出色。龍蝦汁蟹肉天使麵最期待嘅畫面，蟹肉甚多，天使麵幼幼好入味，食落順滑。平時食厭咗意粉嘅朋友都可以試吓呢款天使麵。Pepperoni Pizza當天最驚喜就係呢款辣肉腸pizza， 除咗芝士拉絲夠芝味外，辣肉腸油份逼出超誘人～本身又帶咸香，薄餅薄脆無負擔真係令人想一食再食！食物種類同款式都好多，更有唔同主食，不過當日有點飽就無點到肉類，期待下次再一嚐。