Bake N Grill (已結業)

鰂魚涌從來都係比較陌生嘅一區，但有朋友介紹，發覺區內都有出色美食值得推介。選左間區內內街嘅西餐，先有微暖的法包。表層香脆，塗上帶蒜香的牛油和以新鮮 Basil 自家製的香草醬吃，配搭惹味。而前菜分別有嫩煎吞拿魚沙律和君道果凍鴨肉批。吞拿魚塊肉質嫩滑，而且鮮甜十足，配沙律菜吃感覺更加清新。君道果凍鴨肉批肉質幼滑，而果凍入口清甜，相當醒胃。餐湯選擇左焗法式洋蔥湯，鋪上厚厚芝士，上枱時香味濃郁。味道方面，洋蔥味非常突出，香濃味美，值得推介。美國頂級紐約客牛扒香味濃郁，非常誘人。叩左5成熟，肉質嫩滑，而且肉汁豐富。加上自製的三椒汁，原來據說這款醬汁是用上黑椒、紅椒和黃椒炮製而成，味道帶點微辣辛香，點點少許醬汁跟牛扒一齊品嘗，效果都不錯。