陸陸雞煲火鍋 (已結業)

同屋企人行開旺角白布街, 見嗰邊好多餐廳都好多人排隊, 即刻去睇下有咩好食。老豆突然想食雞煲, 我又咁岩想打邊爐, 就即刻選左呢間試下。我完全俾佢個龍蝦湯火鍋吸引下, 咁多海鮮都係三百幾。本身以為只有雞煲加龍蝦海鮮。原來仲有勁多配菜, 有牛有丸有菜等, 全家食到好滿足。加一同醬芥後預每人400元左右, 但真係夠哂大食嘅我。 龍蝦湯海鮮餐火鍋 + 雞煲套餐 $338/位醬芥 $10雞煲套餐雞煲料多 少辣已經夠辣同夠惹味。龍蝦湯海鮮餐龍蝦湯底龍蝦肉厚濃味, 建議拆開一半再滾下, 濃烈嘅龍蝦湯就此呈現。小花螺冷食前菜有小花螺贈送 又爽口肉質又鮮甜。海鮮拼盤鮑魚, 聖子, 扇貝, 大蜆, 小蜆, 蝦, 蠔, 鯇魚片, 帶子等諗得出嘅海鮮都包羅萬有, 一個字超值! 全部都好新鮮, 份量視乎人頭, 平均每人每款有一至兩隻。雲呑,水餃, 牛丸, 墨丸, 豬肉丸不論牛丸, 墨丸, 豬肉丸都爽口彈牙, 份量好足。炸魚皮魚皮又大塊又脆囗, 非常可口。響鈴非常脆口, 一煮即食。菇拼盤種類多 當配菜一流。美肥牛 牛柳粒肉質鮮嫩 充滿牛味。豬肉片特大鮮榨西瓜汁 $34食火鍋配杯西瓜汁下下火 非常解渴 頗大杯。