新南苑私房菜火鍋鷄煲 (華僑商業中心) (已搬遷) 新店位置

依排心情都好低落, 全身負能量所以今日就搵老公一齊出去食野, 希望食到一餐好既為自己打打氣！我地簡左依間雞煲, 價錢$268半放題, 但依個價錢佢比既海鮮完全超哂班, 再睇返相都覺得好新鮮, 連平時少食海鮮既老公都大讚！雞煲有幾個辣度可選, 非常貼心, 我唔算食得辣所以叫左bb辣, 但無損本身雞煲既和味！蔬菜選擇唔算多但勝在食材新鮮, 款款都好甜！另外一讚係自家制涼茶, 下火之餘唔會太甜, 用唻沖一沖雞煲既油膩感就岩哂！果然好味既一餐係會令人開心！