影片
更多
2021-02-15
452 瀏覽
早起的鳥兒有包吃！之前上網見到呢間當紅麵包店，聽聞成日大排長龍，又要等出爐時先買到！星期六有事一早要到中環，大約8:30鐘到達，唔使排隊，有大約五六個人買，不過keep住後面有人。今次一共買咗四款， 包括兩個蛋撻，一個牛角包，一個冬甩，同埋一個cheese danish, 所有都係外賣拎走返屋企食，返到屋企有用焗爐翻熱。蛋撻的確好食，味道有點似葡撻，偏甜，但酥皮做得好好食。牛角包亦都10分出色，好酥脆，牛油味超香，今次我買咗淨牛角包，佢有一啲係夾火腿芝士但價錢就貴d（都爭十幾蚊）所以我只買牛角包。冬甩都好好食，我揀咗Raspberry 味，jam唔會太甜亦唔會太酸，不過如果除咗jam之外再加cream就在正d, 有機會我下次都想試吉士味。Cheese Danish 都係有驚喜，一樣好酥脆，佢嘅芝士味唔同一般連鎖麵包店嘅芝士，有種鹹香味好好食!整體價錢亦都唔算貴，以佢咁有來頭兼且開喺中環嘅地方，我覺得價錢好合理。都值得一試，回頭率高。不過我有朋友試過假日下午去買蛋撻，等咗兩個鐘先有出爐蛋撻，我就覺得等得太耐，亦都有人話晏咗佢已經冇乜選擇，所以如果大家真係好想食不妨早一啲去好似我咁，咁就可
之前上網見到呢間當紅麵包店，聽聞成日大排長龍，又要等出爐時先買到！
星期六有事一早要到中環，大約8:30鐘到達，唔使排隊，有大約五六個人買，不過keep住後面有人。
今次一共買咗四款， 包括兩個蛋撻，一個牛角包，一個冬甩，同埋一個cheese danish, 所有都係外賣拎走返屋企食，返到屋企有用焗爐翻熱。
蛋撻的確好食，味道有點似葡撻，偏甜，但酥皮做得好好食。
牛角包亦都10分出色，好酥脆，牛油味超香，今次我買咗淨牛角包，佢有一啲係夾火腿芝士但價錢就貴d（都爭十幾蚊）所以我只買牛角包。
冬甩都好好食，我揀咗Raspberry 味，jam唔會太甜亦唔會太酸，不過如果除咗jam之外再加cream就在正d, 有機會我下次都想試吉士味。
Cheese Danish 都係有驚喜，一樣好酥脆，佢嘅芝士味唔同一般連鎖麵包店嘅芝士，有種鹹香味好好食!
整體價錢亦都唔算貴，以佢咁有來頭兼且開喺中環嘅地方，我覺得價錢好合理。都值得一試，回頭率高。不過我有朋友試過假日下午去買蛋撻，等咗兩個鐘先有出爐蛋撻，我就覺得等得太耐，亦都有人話晏咗佢已經冇乜選擇，所以如果大家真係好想食不妨早一啲去好似我咁，咁就可以唔洗排又任君選擇。
張貼
