影片
更多
2018-08-27
982 瀏覽
其實我係俾佢嘅鰻魚飯吸引過嚟，果然無令我失望！呢個價錢竟然食到咁肥美嘅鰻魚！特盛灼燒鰻魚飯丼 $108勁厚肉燒到肉係脆脆地，皮又嫩又煙韌，咬落仲會有油滲出嚟，肥美肉嫩到一個點👍🏻👍🏻鰻魚控表示超滿意💕呢度幾好鰻魚汁自動另上，可以覺得唔夠味先再落，鰻魚上面中灑左啲飯素，配飯真係一流！個飯雖然都係用珍珠米，但就嫌佢乾左啲，唔夠濕潤。要撈鰻魚汁先無咁乾爭爭😭不過都可以散叫鰻魚嘅，$98無配飯，我覺得差$10食埋飯會飽肚啲🤓而且其實都唔係差，可能係我呢個唔鍾意食飯嘅人對飯要求高姐串燒方面要左茄子$38、秋葵$18。兩款都燒得唔錯，主要都係用料新鮮！秋葵燒得唔係脆，係軟屬嗰種口感，茄子一夾就皮肉分離，調味適中，唔錯唔錯！仲點咗個鮮蜆$68，原來係湯煮蜆，本身睇個樣以為係清酒煮蜆架，點知入面有蒜蓉嗰啲，食落係惹味啲，仲有蜆肉真係好鮮甜，而且無沙！係份量細咗啲，覺得有啲貴，但真係新鮮貨。蟹籽松葉蟹帶子沙律$88個沙律有唔少鮮蟹肉，感覺似係平時我老豆買蟹返嚟拆落嚟嗰啲蟹肉，不過呢隻係松葉蟹！味道係鮮甜，一食就知唔係冰鮮！仲有燒帶子，雖然細細粒，但係唔會燒到乾爭爭！除咗呢啲之外仲有蟹棒令視覺豐富啲，整得
其實我係俾佢嘅鰻魚飯吸引過嚟，果然無令我失望！呢個價錢竟然食到咁肥美嘅鰻魚！
特盛灼燒鰻魚飯丼 $108勁厚肉燒到肉係脆脆地，皮又嫩又煙韌，咬落仲會有油滲出嚟，肥美肉嫩到一個點👍🏻👍🏻鰻魚控表示超滿意💕呢度幾好鰻魚汁自動另上，可以覺得唔夠味先再落，鰻魚上面中灑左啲飯素，配飯真係一流！個飯雖然都係用珍珠米，但就嫌佢乾左啲，唔夠濕潤。要撈鰻魚汁先無咁乾爭爭😭不過都可以散叫鰻魚嘅，$98無配飯，我覺得差$10食埋飯會飽肚啲🤓而且其實都唔係差，可能係我呢個唔鍾意食飯嘅人對飯要求高姐
串燒方面要左茄子$38、秋葵$18。兩款都燒得唔錯，主要都係用料新鮮！秋葵燒得唔係脆，係軟屬嗰種口感，茄子一夾就皮肉分離，調味適中，唔錯唔錯！
仲點咗個鮮蜆$68，原來係湯煮蜆，本身睇個樣以為係清酒煮蜆架，點知入面有蒜蓉嗰啲，食落係惹味啲，仲有蜆肉真係好鮮甜，而且無沙！係份量細咗啲，覺得有啲貴，但真係新鮮貨。
蟹籽松葉蟹帶子沙律$88
個沙律有唔少鮮蟹肉，感覺似係平時我老豆買蟹返嚟拆落嚟嗰啲蟹肉，不過呢隻係松葉蟹！味道係鮮甜，一食就知唔係冰鮮！仲有燒帶子，雖然細細粒，但係唔會燒到乾爭爭！除咗呢啲之外仲有蟹棒令視覺豐富啲，整得唔錯，但就係略嫌沙律菜唔夠新鮮。btw因為我唔食蟹籽，所以走咗蟹籽。
整體真係好推薦嘅鰻魚飯！下次係會為咗鰻魚飯而黎！
而且環境裝修都好別緻，都幾有日式feel！
不過大家要注意店內有貓貓，不免會有啲貓毛，有鼻敏感嘅人要注意！
張貼
