源味開元米線 (已結業)

今晚去左長沙灣睇牙，睇之前食定野，求其喺附近搵下有咩食，竟然搵到間新開嘅米線舖。佢晚市做緊烤魚餐，但我地時間有限，就食米線算。環境勁乾淨。湯底一定要試牛骨湯，夠濃味！我地分別揀左紅薯粉同手工麵，好特別～食落唔似有味精，加左勁多餸，最好味莫過於豬紅，手工牛丸都正！另外仲試左好多小食，必試源味口水雞，雞質滑而且辣。夫妻肺片就夠哂入味，都係好辣的。而皮蛋都好食！而滷水豬耳同牛柏葉就唔辣嘅，好好味。川百涼粉本身無味，靠個辣汁先好食。而擂椒茄子係激辣，完全食唔到～但味道好香。