影片
更多
2019-09-20
30 瀏覽
今日整完眼睫毛，喺上環呢頭搵埋個朋友就決定喺呢度附近搵食。都知道上環呢一頭比較多小店，所以決定唔食連鎖嘅餐廳。朋友話想食點心，咁我哋就見咗呢間香港仔周記點心，就一於入去試吓啦。入到去坐低之後，職員就拎個餐牌出嚟，耐心咁介紹佢哋嘅特色點心，唔講都唔知，原來佢啲點心全部都係廚房自己整嘅。唔係好似出邊某啲點心鋪咁買一啲現成嘅返嚟返蒸。聽落都好有heart，一於就試吓職員介紹嗰幾款點心睇吓味道係咪真係有唔同先。要咗一籠蝦餃一籠燒賣，佢蝦餃同燒賣最大嘅賣點就係每一粒都值一兩重，雖然一籠係得三粒，但係啲蝦餃燒賣比起平日出邊酒樓嘅蝦餃燒賣大粒好多，一邊嘅蝦都好足料。然後我最鍾意食嘅係佢啲腸粉，我同朋友都話好耐都未試過食到咁滑嘅腸粉，就好似店員話齋佢哋嘅腸粉，由粉漿開始都係由自己整嘅，全部都係師傅自己一手一腳整，所以同出面嘅腸粉特別唔同。呢碟腸粉絕對令我會返轉頭再食，特別係老干嗎腸粉，超級好味，我一個人都可以食晒一碟。另外在帶咗鳳爪同埋蝦多士，個鳳爪就正正常常啦，蝦多士超大塊，比出邊嗰啲大塊好多，性價比好高。另外素食者都有唔少嘅選擇，其中我哋就叫咗素餃，裏面啲料切都到好細粒，所以咬感好好。最後仲食咗個
入到去坐低之後，職員就拎個餐牌出嚟，耐心咁介紹佢哋嘅特色點心，唔講都唔知，原來佢啲點心全部都係廚房自己整嘅。唔係好似出邊某啲點心鋪咁買一啲現成嘅返嚟返蒸。聽落都好有heart，一於就試吓職員介紹嗰幾款點心睇吓味道係咪真係有唔同先。
要咗一籠蝦餃一籠燒賣，佢蝦餃同燒賣最大嘅賣點就係每一粒都值一兩重，雖然一籠係得三粒，但係啲蝦餃燒賣比起平日出邊酒樓嘅蝦餃燒賣大粒好多，一邊嘅蝦都好足料。
然後我最鍾意食嘅係佢啲腸粉，我同朋友都話好耐都未試過食到咁滑嘅腸粉，就好似店員話齋佢哋嘅腸粉，由粉漿開始都係由自己整嘅，全部都係師傅自己一手一腳整，所以同出面嘅腸粉特別唔同。呢碟腸粉絕對令我會返轉頭再食，特別係老干嗎腸粉，超級好味，我一個人都可以食晒一碟。
另外在帶咗鳳爪同埋蝦多士，個鳳爪就正正常常啦，蝦多士超大塊，比出邊嗰啲大塊好多，性價比好高。
另外素食者都有唔少嘅選擇，其中我哋就叫咗素餃，裏面啲料切都到好細粒，所以咬感好好。
最後仲食咗個芒果布甸，好重奶味，裏面亦都好多芒果肉，為今餐畫上一個完美嘅句號。
張貼
