韓星星韓國料理 (已結業)

真係要讚一讚同事，果然好介紹。老闆娘係韓國人。呢度嘅職員好熱情好Nice，周不時會過嚟吹下水，上菜速度又快，前菜好好味，見我哋啲前菜就嚟食晒，會主動走埋嚟問我地需唔需要添啲，傾多兩句仲幫我地燒埋肉，介紹咗我哋食豬手同牛肋骨，牛肋骨超好食，好入味同好淋，忍唔住嗌多一份，豬手入口即溶咁滯，超正個人來講超推薦（醃）牛肋骨，真係好好食指定啤酒仲買一送一，有時仲主動走來幫我地斟酒，點解咁好生意唔會冇原因呢間餐廳絕對有下次。