中華滙館 (已結業)

星期日又係同屋企人飲茶嘅時候, 今日嚟到中環士丹利街嘅中華匯館, 餐廳間隔闊落, 大廳擺放兩排圓枱, 亦設有幾間廂房。環境唔錯, 食物當然亦無令我地失望。灌湯小籠包 $54小籠包係今餐嘅最大亮點！輕輕夾起, 一放入口湯汁馬上湧出, 鮮味澎湃, 肉餡嫩滑美味, 水準非凡, 係真正嘅皮薄餡靚。時菜 $120蔬菜新鮮翠綠但油份較重。薑蔥牛肉角 $54 牛肉角外皮酥脆, 包裹著嘅餡料同山竹牛肉相似, 但呢個食法就很有新鮮感。芝士白汁帶子撻 $90金黃色嘅一口帶子撻, 咬開熱度十足, 味道同白汁雞批十分相似, 唔同嘅係雞肉轉成帶子, 又係另個食法。