Fast Taste (金碧閣) (已結業)

一向聽聞 Fast Taste 嘅 burger 頗受歡迎，今日專登走咗去試，叫咗個經典牛魔堡，加十蚊變套餐，配薯格同凍柑桔汁。由於係外賣，包面壓扁咗少少，亦有少少盜汗水，略為影響外觀同口感。Burger 嘅漢堡扒有別於其他小店嘅手打漢堡，整得比較工整，肉質亦較為實淨，不過牛味都算頗濃，配埋車打芝士，蕃茄同生菜，整體味道唔錯。呢款 burger 嘅醬汁用咗蜜糖芥末醬，微辣微甜，有畫龍點睛之效，非常出色👍。至於個薯格，份量算多，炸得亦好香脆，好食😋。