泰色食 (已結業)

準備去X’mas shopping，但午餐時段銅鑼灣勁塞車，無謂浪費時間，驅車直去天后揾食，終於誤打誤撞嚟到「泰色食」。餐牌似乎冇太特別，唯一感到奇怪係泰式餐廳餐牌有台灣食物。當然都係選泰菜啦！兩人ordered 生蝦刺身、蝦餅、海南雞飯配椰子雞湯拼+腐乳通菜、冬陰公。我比較欣賞呢度嘅冬陰公，個湯夠厚身，美味！其他食物質素都不錯，而且價錢合理。我哋ordered 一個set lunch，其他都係 A la carte.用餐後跟店員傾談，原來店內台菜都好好味，因為其一老闆係台菜大廚，下次可以試試。原來也有其他客人向他們反應過，餐牌有台菜也是怪怪的。我喜愛食泰菜，多個好選擇，會再去！