幻 (已結業)

Mirror Jer & Jeremy 同肥仔係將軍澳開既餐廳，主打鐵板燒同Omakasee 😎今日專登黎到食飯，撞唔到佢地但野食好出色好食🥳我今日係食Omakasee 套餐，有件壽司前菜湯等等非常豐富。當中壽司包括：⭐️北海道新鮮帆立貝 ⭐️平目魚壽司⭐️深海池魚壽司⭐️虎山縣白蝦壽司⭐️北海道海松貝壽司⭐️日本象拔蚌, 竹炭鹽⭐️梳子魚⭐️北海道毛蟹蟹棒⭐️島根縣池魚壽司⭐️吞拿魚壽司⭐️靜岡 鯖魚棒壽司⭐️北海道子海膽印象最深刻既係佢輕輕燒左既吞拿魚腩，入口即融洽好正！而另外白蝦壽司都好正，佢昆布醃咗，配咗蝦膏同殼，食到尾有昆布香味。層次口感都幾豐富😌另外師傅仲預備左手卷，用左紫蘇葉馬糞海膽同埋吞拿魚蓉。叫到師傅整既手勢都好賞心悅目～食落好新鮮，紫蘇葉輕輕調味，更帶出海鮮既味道😜湯仲有雕魚黑白湯，將豆腐雕刻到一塊塊，手工好出色，味道好好味😋最尾有甜品作結，有西瓜食同紅豆丸子食😆完美咁結束呢餐，下次有機會嘅話我想試吓佢嘅鐵板燒！！