香港地

營業中

休息中

疫情比較嚴峻，好多坐冷氣房工作嘅人都話home office，但係呢啲只係社會嘅一部分。有好多人唔係坐寫字樓辦事嘅，始終都係要通街走，外出工作，就要出街食飯。唔好成日講話唔留喺屋企， 因為時勢唔容許，呢個係事實。今晚就去咗香港地食晚餐 粟米脆魚柳跟飯，以前通常會叫「粟米班腩」 不過因為大部分都唔會用石班肉，又因為商品條例，所以就改曬種魚柳就算，我食唔出呢啲魚柳係用乜嘢魚肉做， 但係就唔係太好食，因為粟米汁過多，浸到魚肉淋曬，一啲都唔脆口，魚柳冇魚肉嘅鮮味，肉質又好散，味道又好鹹。粟米魚柳其實都好容易煮，唔明白點解可以煮到咁差。