龍門客棧蛇羹專門店

營業中

休息中

去寶湖買花，入去打個round，經過呢間鋪，聞到好香，就企喺度望住入面個廚師煮嘢食，個廚師好好人，見到我眼望望流晒口水咁就請我食咗一舊羊腩。咁就仲晒計喇！好好味！老細話個羊腩煲係今晚台客，午巿冇得食😭😭😭，所以就叫咗個肉餅飯。正！為咗食多次個羊腩煲...我已經訂咗下下星期嘅私房菜，個老闆又唔肯講有咩食....好神秘！不過，食完佢個lunch,都知唔會差！話曬無味精，同出面真係好唔同！好鮮！d肉唔係林pat pat! 唔會好似食緊粉咁！好彩夠為食！又俾我發現正野！食完私房菜，到時再寫食評😋😋😋😋