影片
更多
2021-01-12
45 瀏覽
其實幾年前已經食過呢間舖頭，不過近排見佢哋喺荃灣開咗新鋪，咁就再試吓個質素啦！記得上次幫襯嘅時候，等咗勁耐先上菜，唔知係咪因為今日幫襯已經係下午茶，廚房冇咁忙，所以出菜快咗好多。呢度點餐嘅時候，由於店員係唔同國籍嘅人，唔識講廣東話，要講英文。嗰日超肚餓，所以嗌咗好多嘢食。唔少得一定係佢哋最出名嘅薄餅，勁厚嘅芝心邊，上面灑咗蜜糖同埋杏仁片，芝士鹹香，蜜糖糖霜大甜味，綠茶麵團好煙韌，成件事就係好似啱啱焗起嘅芝士包一樣，非常香口，不過食得多就會有啲濟。同埋覺得甜邊再加芝士硬係怪怪地，可能我自己食唔慣，不過佢哋可以轉薄餅邊。午市套餐意粉偏細碟，叫咗牛油果煙三文魚扁意粉同埋泡菜海鮮卡邦尼，扁意粉軟硬程度適中，個汁比較稀但可以接受，我勁鍾意前者個汁，佢係辣辣哋嘅忌廉汁，超級惹味！另外仲叫咗兩杯特飲，柚子茶少甜暖笠笠，個冰茶超大杯，真係個胃細啲都飲唔哂！
其實幾年前已經食過呢間舖頭，不過近排見佢哋喺荃灣開咗新鋪，咁就再試吓個質素啦！記得上次幫襯嘅時候，等咗勁耐先上菜，唔知係咪因為今日幫襯已經係下午茶，廚房冇咁忙，所以出菜快咗好多。呢度點餐嘅時候，由於店員係唔同國籍嘅人，唔識講廣東話，要講英文。
嗰日超肚餓，所以嗌咗好多嘢食。唔少得一定係佢哋最出名嘅薄餅，勁厚嘅芝心邊，上面灑咗蜜糖同埋杏仁片，芝士鹹香，蜜糖糖霜大甜味，綠茶麵團好煙韌，成件事就係好似啱啱焗起嘅芝士包一樣，非常香口，
不過食得多就會有啲濟。同埋覺得甜邊再加芝士硬係怪怪地，可能我自己食唔慣，不過佢哋可以轉薄餅邊。
午市套餐意粉偏細碟，叫咗牛油果煙三文魚扁意粉同埋泡菜海鮮卡邦尼，扁意粉軟硬程度適中，個汁比較稀但可以接受，我勁鍾意前者個汁，佢係辣辣哋嘅忌廉汁，超級惹味！
另外仲叫咗兩杯特飲，柚子茶少甜暖笠笠，個冰茶超大杯，真係個胃細啲都飲唔哂！
張貼
