大家樂

營業中

休息中

每次用Mobile order落單，一落到大家樂個餐已經準備好，而且食物仲會用保溫蓋覆蓋，做法好細心。今次嗌咗個菠蘿咕嚕飯食，老火湯配凍檸茶。典型係屋企唔想煮飯，又唔想出去食貴嘢。一個人嚟講份量好足夠，主菜肉類超多，反而菠蘿比較少，醬汁味道酸酸地好開胃。但比較無奈嘅係，呢度啲中老年男人好鍾意搭枱，10次有8次都係咁，明明場內仲有其他乾淨吉枱都要坐過嚟。我知道唔關大家樂事，啲中老年男人有咁嘅癖好大家都冇辦法。如果坐唔到單人枱，唯有快快脆脆食完飯即刻走。