影片
更多
2018-08-11
386 瀏覽
認識北海道拉麵始於7年前開晌中環交易廣場嘅「札幌元祖北海道拉麵」，應該算喺第一次食北海道風嘅拉麵「牛油塩拉麵」，一大嚿牛油喺其特色。但依家，拉麵店開到成行成市，甚至日本邊度地方風味嘅拉麵都有。小弟唔喺拉麵控，不過，偶爾都會食一次半次拉麵，最近，就同親友晌佐敦遇到一家賣北海道拉麵嘅餐廳「函館元祖北海道拉麵」，重溫一下當晚食北海道拉麵嘅滋味。踏進鋪內，雖然個鋪睇落應該幾深，但用餐區唔喺好大，因為個廚房佔咗唔少地方，目測估計都喺廿個左近，但就顯得有點逼。而裝修都幾骨子，最富和風特色應該喺啲燈籠、布幡、清酒，此外牆上掛有四季嘅風景相，不過，好吊詭，全部都喺寫住札幌，而唔喺函館嘅？店名註明拉麵，咁有大量拉麵嘅選擇喺預期，不過，估唔到店內仲有唔少其他選擇，如沙律、前菜、揚物、燒物、碗飯、定食、咖喱飯、甜品，選擇近百款，比一般拉麵店為多，所以定位絕對唔靜止拉麵店。但講到拉麵，佢哋同樣比坊間賣拉麵嘅店為多，通常人哋主打賣4、5款，佢哋就成十多款，湯底、配料亦選擇多多，真喺睇得花多眼亂，搞到我哋都心大心細唔知揀咩好。此外，拉麵配餃子、炸雞塊……等小食，有加配組合，正想點之際，原來只喺得晚市先有，唓！順便
」，一大嚿牛油喺其特色。但依家，拉麵店開到成行成市，甚至日本邊度地方風味嘅拉麵都有。小弟唔喺拉麵控，不過，偶爾都會食一次半次拉麵，最近，就同親友晌佐敦遇到一家賣北海道拉麵嘅餐廳「函館元祖北海道拉麵」，重溫一下當晚食北海道拉麵嘅滋味。
踏進鋪內，雖然個鋪睇落應該幾深，但用餐區唔喺好大，因為個廚房佔咗唔少地方，目測估計都喺廿個左近，但就顯得有點逼。而裝修都幾骨子，最富和風特色應該喺啲燈籠、布幡、清酒，此外牆上掛有四季嘅風景相，不過，好吊詭，全部都喺寫住札幌，而唔喺函館嘅？
店名註明拉麵，咁有大量拉麵嘅選擇喺預期，不過，估唔到店內仲有唔少其他選擇，如沙律、前菜、揚物、燒物、碗飯、定食、咖喱飯、甜品，選擇近百款，比一般拉麵店為多，所以定位絕對唔靜止拉麵店。
但講到拉麵，佢哋同樣比坊間賣拉麵嘅店為多，通常人哋主打賣4、5款，佢哋就成十多款，湯底、配料亦選擇多多，真喺睇得花多眼亂，搞到我哋都心大心細唔知揀咩好。此外，拉麵配餃子、炸雞塊……等小食，有加配組合，正想點之際，原來只喺得晚市先有，唓！順便講講，麵條喺選用出名嘅北海道札幌西山拉麵，特點喺耐浸唔易腍。
晌另一個餐牌，羅列多種飲品，日本果味梳打就最啱我哋，此外，仲有其他汽水、啤酒、清酒、生果酒、燒酌俾客人選用。
蜜瓜梳打 $28親友一向喺貪新鮮，喜歡試新嘢嘅人，所以，揀極少接觸嘅蜜瓜味梳打。佢話比心目中預期好喎，蜜瓜味清甜突出，而且，冰涼爽快。
白桃梳打 $28揀呢個喺帔張餐牌誤導，亦有少少自己大意，因為張餐牌寫住「芒果白桃」（但其實日文及英文都只喺得白桃一詞），否則就會揀下面嗰款不二家白桃飲料，因為會有白桃果肉。既來之，則安之，樽白桃梳打本身都唔錯，好強嘅白桃味，不過，樽身招紙已講明喺無果汁，白桃味只喺嚟自啲糖漿而已。
枱上已備有紙巾、數種調味料自由取用。
煎餃子 $40食拉麵配餃子，好似一份情意結聯繫咁。一客有5隻，睇外型，隻隻都好飽滿，而且，睇落好似半煎炸咁。咬落外皮真喺十分之脆口，咯咯聲，裡邊填滿豬肉餡，口感鬆化。
煎餃子
$40
5 瀏覽
0 讚好
0 留言
金味噌牛油拉麵 $88呷兩口啲味噌湯底，幾夠麵豉香，又帶有少少甜味，然後，先將嚿牛油溶入湯中，令湯底多一陣陣油香，卻無乜肥膩感。我印象中北海道拉麵都喺曲麵，唔知有無錯，曲麵掛湯力強啲，食落確係幾夠彈性有咬口，兼份量十足，一個男生食一碗都好飽肚。
有好湯底、靚拉麵，都已喺成功咗一大半。每碗有一大片叉燒，配料仲有溏心蛋、蔥花、芽菜、筍乾條、海藻同超甜粟米粒，叉燒屬「瘦叉」，食起嚟無咁肥，溏心蛋睇樣就知蛋香幾咁凝香，其他配料都唔錯。
北海道3.6牛奶拉麵 $88最明顯嘅分別，就喺湯底呈奶白色，除叉燒及溏心蛋，麵內嘅配料亦好唔同，包括有車厘茄、薯仔、粟米、菠菜同露筍仔，親友本想轉粗麵條（+5），但可惜無貨。小弟就只喺試咗一口湯而已，超有牛乳香味，口感亦比較滑溜，親友都讚碗拉麵好食，夠特色，佢仲話灑啲七味粉令味道更有層次化呀。
可能店員見我哋幾欣賞啲麵，介紹我哋下次試吓佢哋嘅「函館迷你飯餐」，定價$99，可以晌11款飯或烏冬中，任選3客，再包沙律及麵豉湯，睇落幾划算。再問詳細啲，原來只有星期一至五先有供應，唔怪得求先落單前無俾我哋睇啦。
雖然兩年前去過一趟北海道，但就未有踏足函館呢個夜景迷人嘅城市，但本身對北海道印象非常好，所以，函館呢個地方一定會到訪，到時再到當地嘅拉麵店食番碗塩味牛油拉麵。
張貼
