銘興山西刀削麵 (大同新邨) (已搬遷) 新店位置

平時喺屋企都好鍾意食刀削麵，出街食就真係好少啦，原來都有幾多餐廳係主打刀削麵嘅。今日去大角咀就係食咗一間刀削麵餐廳，佢同我平時自己煮開嘅唔同，佢係主打冷拌或者熱拌，即係撈麵🤣🤣我哋叫咗好多嘢食，因為Menu太多，花多眼亂，又眼闊肚窄， 最尾試完之後呢，有幾個係比較出色嘅第一個一定要嗌嘅係麻辣東坡肉😎😎個麻辣可以俾你揀要咩辣度，而個東坡肉層層肥肉同瘦肉分明，咬落去唔會乾爭爭，因為啖啖都伴隨住油香🤤 佢仲要係厚切，一大舊咁食落口，真係人間極品，不過就有個弊病，就係食完好飽😅 佢一碟有三件，我食咗一件已經食唔落喇🙈另一個都非常出色嘅係佢個花雕醉雞，隻雞嘅骨好細，啲肉好大件，最重要嘅係個師傅唔會切到薄切切，舊舊厚切咁食，真係人生一大享受🥰 佢嗰隻花雕酒唔算好濃，淡淡地，幾啱我胃口， 同埋花雕醉雞係會跟兩邊糖心蛋，啱晒啲鍾意食蛋嘅人士😋另外個拌麵真係不錯不錯，撈埋啲青瓜絲，芝麻醬，花生碎等等，食落口又好夾喎😆😆下次返屋企都可以自己試吓整，我哋個拌麵就叫咗豬頸肉同埋牛筋腩，相對啱啱食嘅醉雞同埋東坡肉，呢兩個反而冇咁出色，不過都係好食嘅，但係前者食落去真係10分大嘅驚喜，所以如果你想試埋呢啲，建議你