影片
更多
2020-06-25
46 瀏覽
大角咀一向多野食，最近發現又有新鋪開張，係間食刀削麵嘅鋪。因為新開，所以人流都幾多，餐廳環境都唔錯燈光柔和，不過始終地方唔係好大，人多嘅話都要搭檯坐。餐牌選擇非常多，有麵有飯，而且啲餸仲好多配搭。不過黎得依度我諗應該大部分人都係想食麵，麵有分為熱拌、冷拌、湯，就算唔想食刀削麵都可以揀其他米線、米粉、紅薯粉，同埋全部都仲可以再揀辣度，岩哂我依啲唔食辣嘅人。另外，仲包埋一杯熱飲，真係幾抵食，檯面側邊亦有醃蘿蔔小菜可以任食。我試左麻辣金沙骨刀削麵(走辣) + 熱鴛鴦 ($43)。金沙骨有三條食落啖啖肉，其實如果麻辣嘅話佢啲辣醬係加喺啲餸度，不過因為我走辣，所以就變左係普通炸金沙骨，無咩醬或者汁。刀削麵黎講分量好多，而且食落口感唔錯，啲麵煮得岩岩好，有啲煙韌。另外仲叫左個熱拌豬排刀削麵走辣($49)。熱拌會有青瓜絲、麻醬同埋擔擔醬。一上碟啲麻醬睇落都幾多下，足夠撈哂成兜麵，每條麵都掛到啲汁，不過其實食落又會唔覺得麻醬味太重，岩我個人口味，而且擔擔醬亦都唔會好辣。豬排分量都好多，佢係有炸過但食落又唔會覺得過於熱氣。以麵黎講我個人中意熱拌多過湯，我覺得熱拌嘅麵質係硬身啲，更有咬口。落單嘅時候都聽到
我試左麻辣金沙骨刀削麵(走辣) + 熱鴛鴦 ($43)。金沙骨有三條食落啖啖肉，其實如果麻辣嘅話佢啲辣醬係加喺啲餸度，不過因為我走辣，所以就變左係普通炸金沙骨，無咩醬或者汁。刀削麵黎講分量好多，而且食落口感唔錯，啲麵煮得岩岩好，有啲煙韌。
另外仲叫左個熱拌豬排刀削麵走辣($49)。熱拌會有青瓜絲、麻醬同埋擔擔醬。一上碟啲麻醬睇落都幾多下，足夠撈哂成兜麵，每條麵都掛到啲汁，不過其實食落又會唔覺得麻醬味太重，岩我個人口味，而且擔擔醬亦都唔會好辣。豬排分量都好多，佢係有炸過但食落又唔會覺得過於熱氣。以麵黎講我個人中意熱拌多過湯，我覺得熱拌嘅麵質係硬身啲，更有咬口。落單嘅時候都聽到侍應講如果叫冷拌，麵會比較硬，睇大家中唔中意啦，我都聽到有其他客人要求煮淋少少。
不過飲品方面，我覺得鴛鴦嘅咖啡味比較重，反而唔係好飲得出茶味。佢飲品選擇都幾多，除左一般奶茶咖啡外，仲有柚子蜜、菜蜜、杏仁霜等等，熱飲都唔洗再加錢。
我覺得依個價錢絕對抵食，無論係麵定餸分量都好多，食完一定夠飽，cp值咁高唔怪得咁多人光顧。我一個禮拜已經食左兩次，之後應該都會成日黎。
張貼
