葡匯咪走雞葡國餐廳 (已結業)

今晚約左雞仔朋友同佢慶祝生日，我提議食尼間，因為一路想試下佢好有囗卑嘅葡式烤乳豬，而且用白金銀聯咭簽帳有炸馬介休球及一杯砵酒送，所以我訂位時要order定烤乳豬同用銀聯咭優惠。我同雞仔朋友初時無心水點咩食，但見到隔離枱碟蜆好大隻好吸引，所以忍不住跟著點了，好彩有叫不然一定會後悔最後我地叫左:白酒煮紐西蘭刀貝蜆用白酒牛油汁，香芹，香蒜及紅蔥頭煮，有好香白酒同牛油味，但又不會搶過刀貝蜆的鮮味，刀貝蜆好大隻且肥美，肉質鮮甜，不禁食完一隻又－隻，yummy葡式烤乳豬我地兩個人點了四分一烤豬，還有其他份量可以選擇。四分一烤豬大約有四小件再配葡式飯，烤豬已經調味過，不用點醬，皮脆肉嫩，連骨都好好味略嫌油膩了點，食完成口油葡式炒飯有提子乾及葡式臘肉，有點似食菠蘿炒飯，好味葡式蕃茄沙律賣相吸引，好大片蕃茄片在沙律面，沙律菜新鮮，橄欖油味香濃豬仔包（免費）每一枱都會有的，並附上牛油及橄欖，豬仔包香脆可口，配上橄欖一起吃，有另一番風味炸馬介休球用銀聯咭優惠，所以只有兩粒，剛好我地－人一粒餐牌寫是葡萄牙咸鱈魚炸薯球，但我食不出有咸魚味，覺得是普通炸薯球，可能我味覺遲鈍不過係好食嘅砵酒用銀聯咭優惠，送一小杯！