616牛肉火鍋專門店 (已結業)

最近真係凍到入骨，日日打邊爐先暖到我呢個寒底人。但日日都打邊爐，你唔悶我都悶啦。好彩屬於高級牛魔王既男朋友發現到間新野，專食牛既刁鑽部位，咁當然要去試一試佢啦位於小巷馬路隔離，門面光猛易搵，閒日八點幾都座無虛席。我地等左十分鐘左右就有位了。鋪路行懷舊路線，好似去左以前大牌檔咁但係叫菜就用ipad落單，非常高科技。而且頭輪落單，店員仲會送上一個漏斗，只要沙漏一停都未上齊頭輪食品，食物就當係送俾你。當然，專業既店員點可能送唔到丫滑尾龍算係pat pat附近既肉，淥完都真係超滑唔硬吊龍伴呢一款係較爽口，牛味都較重牛朴肉我最鍾意食呢隻，牛味好香好濃，脂肪分佈平均，餐廳有教淥八秒，但我怕生淥左十幾廿秒先食，先仲係好滑好冧身手打牛滑墨魚滑蝦滑我就食得多，牛滑真係第一次。食落似食burger個陣味，超juicy呢間邊爐既其他配料唔多，應該係餐廳想客人多試幾款牛而做既決定，而且每碟牛都係幾十蚊，食多幾碟都唔肉赤啦