燒肉臻 (已結業)

燒肉臻係尖沙咀一間新開嘅日式烤肉店，佢最特別係除左有海鮮同豬牛雞肉之外，仲有好多平時少見嘅部位提供，好似牛肝、牛心、豬喉軟骨、雞心......等等，鍾意試新野就啱晒。另一個賣點係哩度除左餐牌上嘅酒水之外，仲有哩部清酒機，有接近成廿款清酒選擇，每一款酒都有喺旁邊寫明產地、酒廠、酒精濃度、精米步合......等等，每張枱都有一個QR code，用手機scan QR code會送10個代幣可以試大約三杯清酒，試啱先order，唔怕叫左先發現唔啱飲。每個位上面都有三色調味料，由左至右係燒肉汁、柚子胡椒同番茄辣汁。日本和牛背峰($160) - 和牛背峰脂肪紋都幾平均，但食落唔會覺得好油，咬落帶少少彈口，本身冇乜調味，食時可以蘸啲燒肉汁更加好味。豬喉軟骨($68) - 豬軟骨食得多，但豬喉軟骨都係第一次見，賣相就真係一條喉咁，對於食開內臟嘅我唔難接受，口感有啲似食緊豬耳硬硬地嘅口感都幾得意。雞胸軟骨($48) - 雞胸軟骨比平時食嘅雞軟骨大舊同連住少少肉，食落卜卜脆啱晒鍾意有咬口嘅朋友。日本雞心($34) - 雞心口感好腍，燒熟左完全唔似食緊內臟，如果衝破倒心理關口其實幾好食。菠菜($28) -