元朗新記 (鴻運樓)

營業中

休息中

今日公眾假期，做完家務都已經差唔多下午2點，家人示意我決定午飯食邊間，我於外賣平台揾到“元朗新記冰室“，睇過餐牌內容選擇都夠多，而且平台的顧客評價亦OK。家人揀咗星洲炒米，我就要咗XO醬叉燒炒蛋飯，再加個蠔油生菜。先講個炒米，家人的意見係食材都幾豐富，不過比起一般的星洲粆米就較辣，我本身都算食得啲辣，聽完試咗小小確實係稍微辣啲。至於我個叉燒炒蛋飯，叉燒及炒蛋的口感唔錯，另外加咗一羹的XO醬更加惹味，我幾鍾意個飯，煮得幾合我胃口。最後個菜心就普通OK。