頑固壽司 (已結業)

去日本旅行都有食過哩間壽司，覺得唔錯，估唔到最近都係香港開左分店，當然黎再朝聖下，師傅都係由日本人主理。壽司12貫定食($288)，有十二款壽司，唔使講最吸引當然係大拖羅，顏色呈嫩粉紅色，油脂味濃入口即溶，其他魚生都好新鮮爽口，鰻魚燒到岩岩好表面有少少焦香，個醬汁亦夠味，玉子燒賣相特別，似海綿蛋糕。海鮮丼定食($198)，共7款食物，魚生切得好大片而且好肥美，絕對足料，海膽幼滑鮮甜，我覺得蒸蛋雖然係配角，但都一樣不容忽視，蒸蛋嫩滑，味道唔會太過淡或太濃味。