合興火鍋 (已結業)

一向都去開佐敦果間, 尋日端午節去到, 唉哎原來佢地休息, 咁點算呀? D肥牛都已經擺到係咀邊架啦...., 朋友提議黎呢度, 好啦好啦橫掂未黎過, 一於轉移陣地。呢度都好易搵o者, o係麥記行過兩間舖, 雖然無佐敦既新裝修, 但都好光猛整潔, 地方又大D, 有兩層, 仲有卡位坐添。最大發現係呢度既價錢平過佐敦, 牛肉平成廿幾蚊一碟, 同埋D火鍋料有分大細, 人少可以叫細, 樣樣試下。頂級手切肥牛 - 正! 一貫水準, 牛味濃招牌蝦丸 - 掂! 又係好似食緊成隻蝦落肚鱔片、鯇魚片、豬腰、釀豆卜- 新鮮!四寶餃 - 水餃好大隻呀! 日本冬菇、芋絲 - 佐敦店無得食生菜 - 新鮮!椒絲、蔥每碟都只係5大元 - 超抵!招呼都好好呀, 不時都睇o下駛唔駛加湯, D姐姐又好笑容。相片影唔晒, 因為鍋料一來, 就俾D餓鬼倒晒落鍋去了... 下次我地都要諗諗去邊間好, 兩間都咁鬼正! p.s. 呢度仲有醉雞鍋底添, 但本人就不太好