影片
更多
2019-06-23
1124 瀏覽
今日同事離開公司大家庭，搞手在之前已經訂了四圍枱打算在lunch果段時間食餐好的，還同訂枱的侍應講要安排房間方便同同事影相留念，當時侍應都指著其中一個位置示意會在呢度隔間房俾我地，叫我們放心，誰知今日去到，見到啲同事在大堂的飯枱坐著，搞手就和負責的侍應了解情況，點知果個侍應居然話”冇講過俾房我地，我在呢度俾四圍枱你就得啦”，跟著我地搞手就梗係同佢起爭執，雖然最後佢都有間返間房俾我地，但因為lunch time，果個位置都已坐滿食客，要人走都有一定難度，最後真係有一枱唔肯走，我地就要局住同人地分享間房，好彩食到一半最後果圍食客都走，冇影响我地影相，但就真係俾稻香玩死．因為要等佢安排啲食客和隔返間房俾我地，呢度已經嘥左我地一個鐘時間，好在今日全部老闆在場，如果唔係都麻煩！講完故仔，依家就講下啲食物先，我地訂左一個＄2000午市優惠套餐，係全包晏，所以所有野都set死晒，唔使煩！一開波就有一碟燒味五福大併盤，入面有燒鴨、叉燒、木耳、豆腐乾、油雞，叉燒好瘦，但幾大件，木耳，豆腐乾都幾好味，燒鴨同油雞都中規中矩。跟著黎既係牛肉球，粉果，酥炸鯪魚球和燒賣皇，每樣三籠，牛肉球我覺得比以前細舊了，燒賣
講完故仔，依家就講下啲食物先，我地訂左一個＄2000午市優惠套餐，係全包晏，所以所有野都set死晒，唔使煩！
一開波就有一碟燒味五福大併盤，入面有燒鴨、叉燒、木耳、豆腐乾、油雞，叉燒好瘦，但幾大件，木耳，豆腐乾都幾好味，燒鴨同油雞都中規中矩。
燒味五福大併盤
25 瀏覽
0 讚好
0 留言
跟著黎既係牛肉球，粉果，酥炸鯪魚球和燒賣皇，每樣三籠，牛肉球我覺得比以前細舊了，燒賣皇蝦都幾新鮮，粉果就一般般，酥炸鯪魚球細粒，又冇醬料點，有點唔夠味，但有魚味的。
牛肉球、粉果、燒買皇
57 瀏覽
0 讚好
0 留言
酥炸鯪魚球
28 瀏覽
0 讚好
0 留言
再黎係蟲草花鮮竹泡時蔬，他用上豆苗，碟頭都算大，用上湯泡浸，幾好味。👍
蟲草花鮮竹泡豆苗
46 瀏覽
0 讚好
0 留言
清蒸珍珠花尾躉，條魚都算蒸得幾滑，算合格！
清蒸珍珠花尾躉
37 瀏覽
0 讚好
0 留言
粟米海皇羮，冇咩料，有少少魚肉，有啲蝦，但味道可以。
粟米海皇羮
10 瀏覽
0 讚好
0 留言
脆皮炸子雞，雞皮炸得幾香，隻雞醃得幾入味，食得最多係隻雞！👍
脆皮炸子雞
31 瀏覽
1 讚好
0 留言
瑤柱蛋白炒飯炒得幾乾身，幾大碟，味道可以，冇咩特別。
瑤柱蛋白炒飯
18 瀏覽
0 讚好
0 留言
鮑汁炆伊麵味道可以，唔會太油！
鮑汁炆伊麵
17 瀏覽
0 讚好
0 留言
到最後，酒樓送了每枱一鍋芝蔴糊和杏仁茶兩溝，個侍應仲強烈推介添，咁我地就梗係唔執輸，咦！又真係好好食喎！又食到芝麻糊既香，又食到杏仁茶既杏仁味，真係要俾個👍佢，再唔係紅荳沙了！好好的嘗試．！！👍
芝蔴糊和杏仁茶兩溝
17 瀏覽
0 讚好
0 留言
間酒樓食物本身唔差，但服務就一定要改善一下，希望下次唔會再有同樣事情發生！
張貼
