翠苑餐廳小廚 (已結業)

放工和朋友食飯，路過這間西餐廳，適逢朋友好想食小菜，決定一試。我見價目表，每樣小菜只需要60幾蚊，已包括例湯，白飯一碗，及飲品。覺得幾抵食。可能大家都很肚餓，所以決定入去一試。酥脆炸鮮魷$68這是我至愛的食物，雖然非常邪惡，但每隻炸鮮魷都很大塊，新鮮炸出，咬落去很香脆。鑊仔胡椒豬肚雞$65好有鑊氣，很多豬肚，味道很濃，不咸。雞油炒豆苗$62份量很多，絕對足夠兩個人食，很香的雞油味。食完晚餐，附送紅豆沙，很飽足。