敏華冰廳 (壹嘉)

營業中

休息中

喺灣仔返工,午飯時間周圍都好多人,而我今次去既呢間敏華冰廳都唔例外,由於得我一個人,所以好快有位,因為疫情關係,即使我係搭枱,都要以白色圍板起中間隔住,有d似食緊一蘭拉麵呢間敏華位於灣仔道,人流十分多,裝修雅致,燈火通明,侍應有基本既禮貌,店舖面積都算大。叫左佢著名既黯然燒魂飯+凍檸茶,加埋73蚊,價錢係高檔茶記既級別,但我印象中係其他分店好似係65蚊左右,等左5分鐘,凍檸茶率先駕到,佢既茶底同色澤都唔錯,甜度適中,整體沖得好飲既,再等多10分鐘,先有飯黎,因為佢標榜即場制作,所以有心理準備,預左等耐少少。黯然燒魂飯呢個飯係呢度既招牌菜！果然名不虛傳,淋上特製頭抽既流心蛋加上幾片特厚燶邊叉燒,蓋上金鳳香米上面,賣相幾吸引,食果陣攪勻d飯同蛋汁,口感豐富,至於叉燒,因為半肥瘦既關係,口感油香都滿分,而且燒得岩岩好,又唔太燶,亦充滿香味飯亦煮到粒粒分明, 佢用既金鳳米係靚米級別,一d都唔輸蝕,唯一缺點係佢要即場制作, 所以要預d時間等候。總括而言,呢間係有水準既高級茶記,而且人流很多,要預時間排隊。