La Brezza Cafe (已結業)

同好友睇完戲，就去左大坑tea一tea。見呢間舖門面四正，環境幾靚、又有feel，就入去叫左兩set下午茶share嚟食。是日homemade-cake原來係柚子芝士慕士蛋糕，上枱時，個賣相超靚，足見廚師的心思。不過，一吃，吓﹗冇味，完全好似食咁鬆弛馳的泡沬。件餅完全無柚子味或芝士味，餅底太濕全無口感可言，小妹懷疑係件餅擺放太耐所致﹗一客三件的芝士蘑菇焗多士叫叫即做，新鮮熱辣惹味脆口清新抵食，比佢十個讚﹗多士焗得香脆可口，上層鋪滿焗到香噴噴的香濃芝士和鮮嫩蘑菇，再灑上香草碎，配合鮮甜爽口的沙律菜，簡直係絕配，又可減油膩感。餐飲分別叫左桃茶(Twinings茶包)同茉莉花茶(陸羽茶包)。好友「用心」研究茶包牌子後，望著我偷笑了一下。唉，係這類cafe，餐茶我哋都唔預店家會用靚嘢，但所謂「寧比人知，莫比人見嘛﹗」