影片
更多
2021-02-06
41 瀏覽
大家對越南美食嘅印象應該都離唔開Pho、Banh Mi依啲，但其實又點只咁簡單呢！NVN Cafe嘅大廚就將南越菜加入創意fusion嘅原素，食到好多意想不到嘅味道。脆米紙薄餅用料豐富，有越南臘腸、醃蘿蔔、蝦乾、香草、紅葱頭，仲有重點嘅秘製醬汁，整個配搭好match，米紙經油炸但薄薄一層好香脆唔覺油膩。高樓米塔同樣都有越南臘腸，淋上用青檸葉同香料煮成嘅香茅牛油濃汁，喀滋喀滋聲好吸引，同時食到又鬆脆又軟嘅炸米粉。雞軟骨用紙袋裝住上，可以按口味加上辣椒碎、辣椒乾同青檸汁，連埋炸蒜、蒜片、香茅絲shake下，倒出嚟就食到香辣脆卜卜嘅雞軟骨～烤春雞亦做到皮脆肉嫩嘅效果，個醬好香椰子味，問過原來係用蝦膏、椰汁、辣椒醬同花生整成，特別得嚟夠惹味；炸蔞葉有啲似炸九層塔，不過調味偏鹹；旁邊仲有撈咗辣醬酸甜爽口嘅青蘋果條，真係多層次嘅味覺體驗！食完啲熱氣嘢飲番杯荔枝雲朵咖啡，味道清香，加咗tonic有漸層效果，原來荔枝同咖啡味都夾得埋；最後當然唔少得經典嘅越南滴漏咖啡加煉奶啦～P.S. 餐廳裝修風格好有特色忍唔住周圍影相😌
脆米紙薄餅用料豐富，有越南臘腸、醃蘿蔔、蝦乾、香草、紅葱頭，仲有重點嘅秘製醬汁，整個配搭好match，米紙經油炸但薄薄一層好香脆唔覺油膩。
脆米紙薄餅
$48
0 瀏覽
0 讚好
0 留言
高樓米塔同樣都有越南臘腸，淋上用青檸葉同香料煮成嘅香茅牛油濃汁，喀滋喀滋聲好吸引，同時食到又鬆脆又軟嘅炸米粉。
NVN高樓米塔
$48
2 瀏覽
0 讚好
0 留言
雞軟骨用紙袋裝住上，可以按口味加上辣椒碎、辣椒乾同青檸汁，連埋炸蒜、蒜片、香茅絲shake下，倒出嚟就食到香辣脆卜卜嘅雞軟骨～
SHAKE SHAKE雞軟骨
$42
0 瀏覽
0 讚好
0 留言
SHAKE SHAKE雞軟骨
$42
3 瀏覽
0 讚好
0 留言
烤春雞亦做到皮脆肉嫩嘅效果，個醬好香椰子味，問過原來係用蝦膏、椰汁、辣椒醬同花生整成，特別得嚟夠惹味；炸蔞葉有啲似炸九層塔，不過調味偏鹹；旁邊仲有撈咗辣醬酸甜爽口嘅青蘋果條，真係多層次嘅味覺體驗！
烤蔞葉春雞 配青蘋果條(半隻)
$78
0 瀏覽
0 讚好
0 留言
食完啲熱氣嘢飲番杯荔枝雲朵咖啡，味道清香，加咗tonic有漸層效果，原來荔枝同咖啡味都夾得埋；最後當然唔少得經典嘅越南滴漏咖啡加煉奶啦～
南越滴漏咖啡 (熱)；荔枝雲朵咖啡
$28
0 瀏覽
0 讚好
0 留言
P.S. 餐廳裝修風格好有特色忍唔住周圍影相😌
張貼
