影片
更多
2024-08-04
211 瀏覽
得閒飲茶已經成為日常用語，今次搵到間有創意嘅點心店飲茶🫖龍點心🐲佈置有摩登懷舊感，食物融合其他國家風味，款式很多，款款都好特別。🌏歎世界燒賣拼盤：（🇹🇭冬蔭功泰辣燒賣、🇦🇺黑蒜帶子燒賣、🇮🇹芝士墨魚燒賣、🇫🇷黑松露珍香燒賣、🇰🇷泡菜蒜辣燒賣、🇷🇺俄式羅宋燒賣）第一次食到有唔同國家風味嘅燒賣，香酸甜辣都有，而且味道都很夾👍。我鐘意冬蔭功泰辣燒賣，好似真係飲緊冬蔭功咁。另外泡菜蒜辣燒賣都唔錯，微辣好有韓國風味。🍡一口鹹水角：一串2粒唔同顏色丸子造型。外脆內糯，鹹鹹香香都幾好味。🐟口水汁龍利魚腸粉：腸粉用龍利魚肉，食落嫩滑鮮味，再淋上川味口水汁，麻辣得來好惹味。🦐蟹粉菠菜香蝦餃：粒粒三文魚籽入口爆汁。配上蟹粉同蝦，口感同味道都好。🥟馬拉小籠包：小籠包湯汁豐富，味道適中。🧀拉絲菠蘿包：鬆軟菠蘿包裡面有芝士，可能放耐左先食未有拉絲，芝士味唔算濃。想食點心又唔想咁悶，味道唔錯可以試下☺️
龍點心🐲佈置有摩登懷舊感，食物融合其他國家風味，款式很多，款款都好特別。
🌏歎世界燒賣拼盤：（🇹🇭冬蔭功泰辣燒賣、🇦🇺黑蒜帶子燒賣、🇮🇹芝士墨魚燒賣、🇫🇷黑松露珍香燒賣、🇰🇷泡菜蒜辣燒賣、🇷🇺俄式羅宋燒賣）
第一次食到有唔同國家風味嘅燒賣，香酸甜辣都有，而且味道都很夾👍。我鐘意冬蔭功泰辣燒賣，好似真係飲緊冬蔭功咁。另外泡菜蒜辣燒賣都唔錯，微辣好有韓國風味。
🍡一口鹹水角：一串2粒唔同顏色丸子造型。外脆內糯，鹹鹹香香都幾好味。
🐟口水汁龍利魚腸粉：腸粉用龍利魚肉，食落嫩滑鮮味，再淋上川味口水汁，麻辣得來好惹味。
🦐蟹粉菠菜香蝦餃：粒粒三文魚籽入口爆汁。配上蟹粉同蝦，口感同味道都好。
🥟馬拉小籠包：小籠包湯汁豐富，味道適中。
🧀拉絲菠蘿包：鬆軟菠蘿包裡面有芝士，可能放耐左先食未有拉絲，芝士味唔算濃。
想食點心又唔想咁悶，味道唔錯可以試下☺️
張貼
