影片
更多
2021-11-04
91 瀏覽
本人一向都係愛麵人士，我可以餐餐都食麵，但唔可以餐餐都食飯🤣 最近呢間新開嘅麵店就幾得我歡心👀 餐廳主打港式麵食，以新鮮食材去製作湯底，真正無添加無味精，堅係真材實料！平時出街食麵最怕食到味精湯，食慾即刻減半😖 餐廳另一特色之處就係有咖啡飲😳 好少見港式麵店係有咖啡飲，餐廳堅持本地烘焙，提供無公害高海拔咖啡☕️餐廳裝修亦好有coffee shop 感覺，水泥牆配上木製枱櫈，四周更有唔少霓虹燈，有別於傳統麵店😎 望望個餐牌見到啲菜式名都幾好笑，有「賣一碗蝕一碗湯麵」、「神級豬隊友湯麵」等。湯底款式總共有5款，有大補雞湯底、鮮魚骨湯底、鮮牛骨湯底、濃豬骨湯底及素昆布豆腐湯底，實有一款啱大家😛 另外仲有蒸飯、小食、菜類等可以揀。呢度係用QR code落單📱 ❤️ 餐前小食小店送每人一碟餐前小食，幾有誠意！新鮮焗起，係薯蓉嚟，加咗洋蔥🧅 食落都唔錯。❤️ 好鬼補雞湯麵 $88湯頭以幾十斤雞殻及數款藥材熬製，好滋補🙊 本來以為個湯底會好油膩或者濃到好似雞精咁，點知又幾清爽喎！飲落無咩雞油，清甜而不膩🐔配料有花膠、魚肚、鮮雞柳、北菇同雲腿絲，真係幾足料！啲配料都煮得好入味，尤其係北菇，索哂啲湯汁💦麵底可
餐廳主打港式麵食，以新鮮食材去製作湯底，真正無添加無味精，堅係真材實料！平時出街食麵最怕食到味精湯，食慾即刻減半😖 餐廳另一特色之處就係有咖啡飲😳 好少見港式麵店係有咖啡飲，餐廳堅持本地烘焙，提供無公害高海拔咖啡☕️
餐廳裝修亦好有coffee shop 感覺，水泥牆配上木製枱櫈，四周更有唔少霓虹燈，有別於傳統麵店😎
望望個餐牌見到啲菜式名都幾好笑，有「賣一碗蝕一碗湯麵」、「神級豬隊友湯麵」等。湯底款式總共有5款，有大補雞湯底、鮮魚骨湯底、鮮牛骨湯底、濃豬骨湯底及素昆布豆腐湯底，實有一款啱大家😛
另外仲有蒸飯、小食、菜類等可以揀。呢度係用QR code落單📱
❤️ 餐前小食
小店送每人一碟餐前小食，幾有誠意！新鮮焗起，係薯蓉嚟，加咗洋蔥🧅 食落都唔錯。❤️ 好鬼補雞湯麵 $88
湯頭以幾十斤雞殻及數款藥材熬製，好滋補🙊 本來以為個湯底會好油膩或者濃到好似雞精咁，點知又幾清爽喎！飲落無咩雞油，清甜而不膩🐔配料有花膠、魚肚、鮮雞柳、北菇同雲腿絲，真係幾足料！啲配料都煮得好入味，尤其係北菇，索哂啲湯汁💦
麵底可以揀拉麵、扁拉麵或加錢轉烏冬/年糕。
我揀咗普通拉麵，拉麵分量多，佢係中式拉麵嚟，麵質都幾有咬口🍜配菜有木耳， 少少辣，都幾開胃。
❤️ 牛隊長湯麵 $88
湯底好濃且有淡淡藥材味，齋飲個湯都好飲！😛 完全唔油膩👌🏻 配料有牛腩、牛筋、澳洲和牛封門柳、大大嚿蘿蔔🤩 蘿蔔清甜無渣，牛腩同澳洲和牛封門柳好入味好腍，而且好重牛味！🐂❤️ 黃金單骨雞翼 $38
即叫即炸🔥 單骨食起上嚟好方便！雞翼炸得酥脆，配上鹹蛋黃好惹味😋 ❤️ 酥炸日本舞茸 $38
估唔到呢度有日本舞茸食喎👀 果然好fusion！一碟3件，同樣係即叫即炸🔥 炸漿唔太厚，炸到脆卜卜非常香口😋❤️ 搖呀搖烘焙 $50
見個名幾特別就叫咗嚟試！個杯身幾靚，幾啱打卡📸 面頭有層厚厚嘅奶泡，有少少岩鹽喺上面，下層就係香濃烘焙咖啡☕️ 店員話要先試啖奶泡，再攪勻飲。奶泡輕盈，咖啡係選用尼加拉瓜咖啡豆！整體奶嘅比例較多，品嚐到少少咖啡嘅甘苦同淡淡岩鹽嘅鹹味。餐廳推薦度：⭐️⭐️⭐️⭐️ (4/5)
又有得食麵又有得飲咖啡真係幾特別，睇得出佢哋對選擇食材同咖啡豆都好用心👏🏻 價錢方面都合理，分量多到飽住走🤰🏻
補返其他Menu👇🏻
張貼
